بسم الله الرحمن الرحيم
السلام عليكم حبيباتي
اليوم جبت ليكم كرواصة غزالة شكلا ومداقا كنت خديتها من عندشي اخت من الاخوات ولكن معقلتش عليها جزاها الله كل خير عن ظهر الغيب
نبداو على بركة الله
المقادير
500 كرام فورص
ملعقة كبيرة خميرة الخبز
5م ك سكر
2 م ك زبدة ذائبة
بيضة
قليل من الفاني
ملح
ماء دافئ للخلط
للتوريق
300 كرام زبدة دايبة استعملت اللدة
الحشو
الشكلاط مقطع طريفات والكريم باتسيير
عملت مقادير العجين في العجانة
وخليتها كتعجن من بعد خليتها ارتاحت شوية
تم عملت كويرات خليتهم يرتاحو شوية وبديت العمل
كنطلق الكورة ونورقها بالزبدة
تم نطويها تماما متل المسمن المربع ودايمن منساوش التوريق بالزبدة وهكدا حتى نساليوا
نرجعوا لاول مسمنة نكرصها بايديا بحال لي في الصورة وبحال الى غنطيبوا مسمنة في المقلة
تم قطعتها على جوج من الوسط بقطاعة البيتزا
وكل نصف عملت في المقدمة ديالو شوية كريم باتسيير وعلى فكرة الكريم راه اختياري
تم طريفات ديال الشوكولا
ونبداو نلويو بحال الى غنصايبو بريوات السيكار
ونحطو في لاطا مباعدين على بعضياتهم الصورتوضح لكم كلشي
ونخليهم يخمروا تم ندهنهم ببيضة مخلطة مع شوية نسكافي وندخلهم للفرن
وهاهما واجدين بالصحة والراحة
واحدة خليتها على طبيعتها ووحدة رشيتها بسكر كلاصي وشوية الكنفتير من فوقو
اللهم ادمها علينا نعمة يارب واحفظها من الزوال ياربي كبرنا في طاعة الله ورسوله