بسم الله الرحمان الرحيم
السلام عليكم يا احلى اخوات كيفكم نتمنى الكل تمام هادو حريشات جاوني غزالين من عند اخت عزيزة على قلبي لها وصفات غزالة في الفايس وبعض المنتديات الا وهي الغالية التازية
نبداو على بركة الله
في المول ديالي المعتاد عملت زلافة ديال الحريرة سميدة رقيقة ضفت ليها شوية زبدة
بدوية بسبستها بيها
عاد ضفت 4 معالق كبار سنيدة وشوية ملح ونصف خمارة ديال الحلوى خلطت الكل
عاد ضفت كاس ونصف حليب سائل الكاس لي عبرت بيه كاسنا المعتاد ديال العنبة المهم خلطت كلشي وخليتها كتشرب شوية حيت خاصها تكون شوية مرخوفة
هنايا كورت كورة من الخليط فندتها في السميدة رقيقة
عملتها في المقلة سخونة وداخل هاد القرص من بعد زولت القرص
هنايا قلبتها
هاهي حرشتنا واجدة
هادو ليكم يا الحادكات
وهادي وحيدة عمرتها بصلصة الشوكولا وقسمتها على 2
بالصحة والراحة يا حبيباتي
لا تنسوني من الدعوات والتشجيعات جزاكم الله خيرا