سفوف بلا حتى قطرة ديال الزيت او الزبدة

 قبل اي شيء ابدا بشكري الكبير للغالية   التازية الله يخلي ليك زوجك ووليداتك ووالديك يارب على هاد الوصفة الرائعة وراكي دايمن متالقة وعندها اطباق رائعة على الفايس بووك وبعض المنتديات  وانني ارد لك الاهداء باغلى تحية وحب من كل قلبي

انني بانوار النبي أحييك وأدعو ربي من الكوتر يسقيك وبجوار نبيك يبقيك وبيده الكريمة يرويك وفي جنته يأويك

 

نبداو 

 

هادا نصف كيلو زنجلان مغسول منشف منقي محمر نصف كيلو لوزمصلوق مقلي وهادا الزرع مغربل من الحمرة والنخالة وحمرت كيلو نتوما ممكن تحمرو غير الفورص كيف المعتاد
من بعد درت في الميزان 160 كرام ديال سكر كلاصي وضفت ليها معلقة كبيرة نافع محمر ومطحون ومغربل ومعلقة كبيرة حبة حلاوة محمرة ومطحونة ومغربلة ومعلقة كبيرة قرفة مطحونة ومغربلة وحكيت نصف كوزة وصلت في الميزان تفريبا 200كرام باش نوصل ل500 كرام اي نصف كيلو ضفت الطحين المحمر والمغربل حتى كملت نصف كيلو وهاكدا اصبح عندي نصف كيلو طحين بداكشي لي ضفت ليه ونصف كيلو زنجلان ونصف كيلو لوز

 

بديت كنطحن المواد بتلاتة مخلطة في الطحانة ديال اللحم 

ديالي لانني معنديش ديال الكفتة ومكايناش فين ساكنة انا ولكن خرج ليا السفوف نفس النتيجة ديال غاليتي التازية غير الملاحظة لي نكولها ليكم خاصكم منين تكملو طحن المواد تعاودو تطحنوهم 2 مرات اخرين باش كيطلقو ليدام ديالهم وهادكا كنحصلو على سفوف ميدمين بلا حتى قطرة ديال الزيت او الزبدة  

 

سامحوني طولت عليكم راه غير باش نشرح للمبندئات لانني كنطالق من نفسي كلما لقيت الشرح بالتفصيل وبسيط كنفهم اكتر 

ودابا هاد الطريف لك حبيبتي التازية    

هاد الطريفات لكل من دخلات وشجعاتني ودعات معايا وحتى لي مساعداتهمش الظروف يطلوا على ملفي وشكرا 

 

 

جربوهم والله الى مداقهم رائع وصحيين

أسالكم الدعاء لي ولحبيبتي مريم