السلام عليكم ورحمة الله تعالى وبركاته
حبياتي توحشتكم جيت وجبت ليكم طورطة عملناها في عيد الحب ههههة مكاين لا عيد الحب لا والو الله يجعل ايامنا كلها حب وخير وسلام
بلا منطول عليكم
عملت 2 جينواز
الجينواز الاولى مقاديرها كالاتي
3بيضات كاس عنبة سنيدة نصف كاس زيت كاس ونصف طحين خمارة عصير حامضة وقشرتها


الان ضربت 3 بيضات

مع كاس سنيدة


ن بعدنضيف نصف كاس زيت وعصير حامضة وقشرتها حتى اصبح الخليط مرغوي عاد ضفت كاس ونصف طحين وخمارة


وخلطت غير بالخشبة باش مينزلش الخليط وكاضافة من عندي ضفت في الاخير واحد ربع كاس حليب وخلطت بالخشبة وعملتها في مول مدهون ومرشوش

والى الفرن على فكرة هادي جينواز ديال حبيبتي JOUD
الجينواز التانية مقاديرها كالاتي
4بيضات نصف كاس الزيت 200كرام سنيدة 150كرام طحين و50 كرام بودرة شكلاط وخمارة
ضربت 4 ابيض البيض



مع 200 كرام سنيدة

مزيان حتى اصبح تلج



عاد ضفت اصفر البيض مخلط مع نصف كاس زيت


وكملت التطراب على سرعة قليلة هاهو كيف عامل


من بعد ضفت خليط مكون من 150 كرام طحين و50 كرام شكلاط بودرة وخمارة وخلطت بالخشبة حتى تنسجم العناصر



وضفت كيف العادة ربع كاس حليب وفرغتها في مول مدهون ومرشوش والى الفرن

الان غنبدا نحضر كريمة الزبدة
اولا السيرو مكون من 125 كرام سنيدة مع 6 معالق كبار ماء نوضعوهم على النار يغلاوحتى يصفر لونهم وفي هاد الوقت نضربو 2 بيضات بالضراب حتى يبض لونهم


تم نخوي عليهم السيرو وهو غليان مع التضراب حتى يبرد الخليط داكشي باش حولتوا من مول ديال البلاستيك الى مول ديال الزاج


من بعد نضيف 200 كرام زبدة بحرارة المطبخ ونبقاو نضربوا الخليط حتى تصبح عندنا كريمة








هاهي وجدات ندخلها للتلاجة تبرد


الان نحضرو كريمة كراميل
اول حاجة في كاسرونة نضع 200 كرام سنيدة مع 5 معالق ماء


ولما تدوب سنيدة نضيف كاس صغير ماء ونترك السيرو حتى يتدهب لونه ويتقال شوية


تم نضيف معلقة كبيرة نسكافي مدابة في معلقة كبيرة ماء




ونتركه غير شي دقيقة او اقل ونزيله ونحتفظ به حتى يبرد


هاهي كريمة الزبدة وكريمة الكراميل باردين
بجوج



  دابا نخلطوهم باش نحصلوا على كريما موكا