السلام عليكم
كيفكم اخواتي في الله توحشتكم
المهم هادي كيكة واعرة وهي لحبيبتنا nany73 ماشاء الله عليها ملفها كلو غزال ومشهي وحداكة وتاويل الله يحفظها من العين وينولها لي في بالها
المهم لي بغيت نقول ليكم انني غيرت شوية من المقادير
خلطت 2 بيضات مع كاس سكر وساشي الزا ديال نكهة الليمون ماشي نكهة الفاني وقشرة ليمونة وكنقصد بالليمون البرتقال ماشي الحامض نضرب الكل في مولنكس حتى يترغوا الخليط من بعد نزيد كاس زيت ونخلط هاهو الخليط
ومن بعد نضيف الطحين حسب الخليط تقريبا شي 2 كيسان مع 2 خمارات واخيرا عاد نضيف عصير الليمونة سمحولي مع الزربة مصورتش هاد المرحلة ونسكب الخليط في مول مدهون ومرشوش
الان نوجد الصلصة كتكون من كاس دانون وعصير 2 ليومنات ونصف كاس كنفتير تقريبا 5 معالق كبار نضع الكل فوق النار ونخليه يغلى لمدة 5 دقايق ونخليه يبرد حيت كل ما برد كل ما عقاد وختار
هاهي الكيكة طابت
هاهي مسقية بالصلصة
هاهي عن قرب ومزينة باللوز ايفيلي محمر
هادا طرف لاول وحدة تدخل وتشجعني
لا لا باش تا وحدة ميبقا فيها الحال هاهو طريف اخر
ودابا هادا الكوتي ديالنا مائدة فيها براد اتاي واخا انا مكنشربش اتاي راه تا وجدت لوليداتي عاد نحط ليا كاس حليب بالشكلاط هههة والكلية وكيكة الليمون بالصلصة وهاديك كيكة كان سبق صاوبتها وهادا الطرف شاط منها
بالصحة والراحة اللهم ادمها علينا نعمة واحفظها من الزوال
اللهم ادخلنا الجنة من غير حساب ولا سابق عداب