السلام عليكم ورحمة الله تعالى وبركاته
عواشركم مبروكة كيفكم اخواتي في الله بغيتكم تشاركو ولدي هاد الطورطة عملناها في اول الشهر دابا عادكتابلي نحطها سميتها كيكة موس بالشكولاتة
بالنسبة للجينواز غادي نعطيكم المقادير اللي خديتها من اخت عزيزة على قلبي في احدى المنتديات المهم العبار بكاس ديال العنبة
3 بيضات
كاس سكر
نص كاس زيت
حامضة محكوكة بعصيرها
كاس و نص طحين
خمارة
الطريقة
كناخدو المقادير كلها من غير الطحين و خمارة وكنطربوهم مزيان بالطراب
حتى يولي الخليط ابيض و مرغوي
ثم نضيف الطحين +خمارة و نحركو بمعلقة خشبية حتى يتجانس الخليط
تم نفرغوه في مول دائري والى الفرن
ومنين طابت قسمتها من الوسط بحيت حصلت على قرصين قرص غنخدم بيه الطورطة ديالي وقرص خزنتو في الكنجلاطور حتى نعمل بيه طورطة اخرى بادن الله
الان عملت القرص وسط اطار ائري من الحديد وسقيتها بالقهوة السوداء سواء كانت نسكافي او قهوة معصرة بحال بحال وخليتها تتشرب
دابا ندوزو لمقادير موس الشكولاتة
200 كرام شكلاط
250 كرام حليب نسلي محلى
معلقة كبيرة ونصف قهوة سريعة الدوبان ندوبوها في معلقة كبيرة ماء
4 ورقات جيلاتين حلال نرطبوهم في الماء
2كيسان دانون فاني
300 كرام كريم فريش ضربتها حتى ولات كريم شانتيي ولكن نتوما مضربوها بحالي خليوها شوية بحال المورانك
الان ندوزو للطريقة
اولا دوبت الشكلاط في حمام مرية
ضفت عليه حليب نسلي 
ضربت دانون بالضراب
ضفت لدانون خليط الشكلاط ونسلي
تم ضربت بالضراب حتى ينسجم الخليط الان سخنت القهوة لي دوبتها في الماء وحطيت فيها وريقات الجيلاتين على نار هادئة جدا حتى تدوب اوراق الجيلاتين تم نسكبها على الخليط
تم ضفت الكريم شانتيي وبديت نحرك بالخشبة وعدباتني شوية في التحراك بحيت مكتخلطش بسهولة كتبقى الشانتيي باينة وهاداكشي علاش قلت ليكم خليوها بحال المورانك باش تجي ساهلة في التخلاط
المهم بديت نحرك بالخشبة حتى ينساجم الخليط
ونسكبه فوق الجينواز وندخلها للكونجيلاطور على الاقل 6 ساعات حتى تشد راسها مزيان
خرجتها زولت ليها الاطار ورشيتها مزيان بشكلاط غبرة
ودوبت شوية الشكلاط وكتبت بيه فوق الطورطة وزوقتها بدوك المظلات
هاهي واجدة قدمتها مع الكابوتشينو
هاهي المائدة ككل
خليتكم حبيباتي على خير نتمنى تكون عجباتكم وتجربوها لوليداتكم وبالصحة والراحة على قلوبكم نخليكم في امان الله
اللهم ادمها علينا نعمة واحفظها من الزوال يا ارحم الراحمين
عواشركم مبروكة كيفكم اخواتي في الله بغيتكم تشاركو ولدي هاد الطورطة عملناها في اول الشهر دابا عادكتابلي نحطها سميتها كيكة موس بالشكولاتة
بالنسبة للجينواز غادي نعطيكم المقادير اللي خديتها من اخت عزيزة على قلبي في احدى المنتديات المهم العبار بكاس ديال العنبة
3 بيضات
كاس سكر
نص كاس زيت
حامضة محكوكة بعصيرها
كاس و نص طحين
خمارة
الطريقة
كناخدو المقادير كلها من غير الطحين و خمارة وكنطربوهم مزيان بالطراب
حتى يولي الخليط ابيض و مرغوي
ثم نضيف الطحين +خمارة و نحركو بمعلقة خشبية حتى يتجانس الخليط
تم نفرغوه في مول دائري والى الفرن
ومنين طابت قسمتها من الوسط بحيت حصلت على قرصين قرص غنخدم بيه الطورطة ديالي وقرص خزنتو في الكنجلاطور حتى نعمل بيه طورطة اخرى بادن الله
الان عملت القرص وسط اطار ائري من الحديد وسقيتها بالقهوة السوداء سواء كانت نسكافي او قهوة معصرة بحال بحال وخليتها تتشرب
دابا ندوزو لمقادير موس الشكولاتة
200 كرام شكلاط
250 كرام حليب نسلي محلى
معلقة كبيرة ونصف قهوة سريعة الدوبان ندوبوها في معلقة كبيرة ماء
4 ورقات جيلاتين حلال نرطبوهم في الماء
2كيسان دانون فاني
300 كرام كريم فريش ضربتها حتى ولات كريم شانتيي ولكن نتوما مضربوها بحالي خليوها شوية بحال المورانك
الان ندوزو للطريقة
اولا دوبت الشكلاط في حمام مرية
ضفت عليه حليب نسلي ضربت دانون بالضراب
ضفت لدانون خليط الشكلاط ونسلي
تم ضربت بالضراب حتى ينسجم الخليط الان سخنت القهوة لي دوبتها في الماء وحطيت فيها وريقات الجيلاتين على نار هادئة جدا حتى تدوب اوراق الجيلاتين تم نسكبها على الخليط
تم ضفت الكريم شانتيي وبديت نحرك بالخشبة وعدباتني شوية في التحراك بحيت مكتخلطش بسهولة كتبقى الشانتيي باينة وهاداكشي علاش قلت ليكم خليوها بحال المورانك باش تجي ساهلة في التخلاط
المهم بديت نحرك بالخشبة حتى ينساجم الخليط
ونسكبه فوق الجينواز وندخلها للكونجيلاطور على الاقل 6 ساعات حتى تشد راسها مزيان
خرجتها زولت ليها الاطار ورشيتها مزيان بشكلاط غبرة
ودوبت شوية الشكلاط وكتبت بيه فوق الطورطة وزوقتها بدوك المظلات
هاهي واجدة قدمتها مع الكابوتشينو
هاهي المائدة ككل
خليتكم حبيباتي على خير نتمنى تكون عجباتكم وتجربوها لوليداتكم وبالصحة والراحة على قلوبكم نخليكم في امان الله
اللهم ادمها علينا نعمة واحفظها من الزوال يا ارحم الراحمين