السلام عليكم ورحمة الله تعالى وبركاته
نبداو بسم الله
نبداو بسم الله
هادي بصلة قطعتها ودرت ليها مليحة وبزار وشويتها في الفران
هاد لصوص مكون من مطيشة وفلفلة مشويين غير فوق البوطة ومن بعد قشرت ليهم القشور ومعستهم ودرت ليهم ملح بزار كامون ومعلقة صغيرة مطيشة ديال الحك وشوية زيت العود ولي بغات الحار تعمل شوية ونديروهم فوق البوطة يتشحرو غير شي دقيقة فقط وهاهو واجد
هادا طبسيل ديال شلاظة مكون من خياردواور ومطيشة مقطعة ومقرونة ديال الفيسيت مصلوقة من قبل ومصفية الكل خلطتو وسقيتها بلصوص مكونة من( ملح بزار عصير ديال حامضة وشوية ديال الخل وشوية زيت العود وشوية مايونيز وشوية كتشوب )وسقيتها وزوقتها من الفوق بمايونيز
وهادا طبسيل ديال الكفتة بالفريت
الفريت معروف بالطبع
اما الكفتة درت ليها العطرية كاملة مع بصيلة مشلظة ودرتها مزيودات صغار وطيبتها في معلقة كبيرة زيت ومنين طفيت عليها درت في وسط المقلة طاسة صغيرة فيها شوية ديال الزيت مع طرف ديال الفاخر شاعل وغطيت المقلة بسرعة باش داك الدخان لي غيخرج من الفاخر تشمو الكفتة وتجي بحال الى شويناها على المجمر شفتو الخدع كيف داييرين هههههههههة
وهادا الغدا كلو محطوط فوق الطبلة مع الخبز والمونادا
بالصحة والراحة
اللهم ادمها علينا نعمة واحفظها من الزوال يارب
هادي واحد القصرية ديال كسكس اهديها لكل من يحبني في الله اللهم اجعلني في عيني صغيرة وفي اعين الناس كبيرة
لا تنسوني من الدعاء جزاكم الله خيرا
