السلام عليكم كيفكم يا الحادكات
اليوم غنحط من جديد كيكة من كيكات الاخت ناني 73 من مدونتها راني طحت عليها طيحة واحدة ههههة جزاها الله خير الله ينولها لي في بالها يارب تبارك الله عليها وماشاء الله نبداو في مولنكس عملت 4 بيضات وساشي فاني ضربتهم مزيان
عاد ضفت 150 كرام سنيدة وضربت من جديدعاد ضفت كاس عنبة زيت
وبعدين ضفت دانون فاني وفلان ديال الشكلاط انا عوضتوبفلان كراميل بعدين صبيت الخليط في المول ديالي المعهود عاد ضفت هاد الساشي ديال شكلاط لي كتبان ليكم ولكن الاخت ناني عملات في بلاصتها 3 معالق كبار بودرة شكلاط تم ضفت 3 خمارات والطحين تقريبا 200 كرام المهم عينكم ميزانكم متكونش تقيلة ومتكونش جارية ولكن تبقى شوية خفيفة باش تجيكم هشيشة
صبيت الخليط في مول مدهون ومرشوش ودخلتها فرن ديال الغاز مدة 40 دقيقة
دابا غنوجد الطوفي باش غنسقي الكيكة ديالنا
في كاسرونة عملت كاس عنبة سنيدة مع معلقة صغيرة زبدة والكل على نار مهيلة
وخلينا سنيدة تدوب بمجرد مايتغير اللون ديالهابحال هاكدا
نضيف كاس دانون ونحرك بشوية
وهاهو واجد نخليوه حتى يبرد عاد نسقيوا بيه الكيكة
هاهي كيكتنا طابت
دابا بردات عملتها في طبق التقديم وسقيتها بالطوفي ورشيت عليها الفرمسيل بالالوان
الاخت ناني سقاتها بالطوفي وزوقاتها باللوز ايفيلي محمر عاد رشاتها بالفرمسيل انتم لكم الاختيار كل وحدة ودوقها في التزيين تبارك الله النساء ديالنا فنانات وحادكات
هادا طريف معاه شوية الطوفي لاوحدة وحدة تشجعني وتدعي معايا
اللهم اغفر لنا دنوبنا وادخلنا الجنة بلا حساب ولا سابق عداب يارب