بغيتكم حبيباتي تشاركوني حريرتي اللديدة وهي تجربتي وتطبيقي لاخت غالية على قلبي لها وصفات في الفايس وفي عدة منتديات الا وهي فضيلة البوصيري الله يجازيها الف خير ويجعلها من اهل الجنة يارب
والان غنبدا تطبيقي للوصفة
طحنت مطيشة وصفيتها
ودرتها في مولنكس وعاودت طحنتها مع الربيع والكرافس والبصلة
وخليتها على جنب
دابا رديت العضومة ديال اللحم مع شي لحيمات والحمص والعدس و2 معالق كبار ديال زيت العود والماء الكل طاب في الكوكوت
من بعد ضفت ليهم مطيشة لي طحنت مع البصلة والربيع والكرافس وشوية ديال السمن
غير بدات الكوكوت تغلا ضفت العطرية ملح بزار وسكنجبير وعود ديال القرفة
ولما يغلا الكل مزيان نضيف مطيشة ديال الحك مخلطة في الماء ونحرك الكل وغير تغلا تاني نضيف الشعرية
وبعد 5 دقايق ندور الحريرة بالطحين ونخليها تغلى مع التحراك مرة مرة شي ربع ساعة ومنين نبغي نطفي عليها نرمي فيها شوية ربيع مكرض وعصير نصف حامضة
وهاهي زلافة لاول وحدة تدخل بالصحة والراحة
واهنا قدمتها للعشاء مع خبيزات ديال البانيني وتميرات
اللهم ادمها علينا نعمة واحفظها من الزوال يارب
اسالكم الدعاء بفك كربتي بالعمل
