السلام عليكم
في مقلة نعملو زيت العود والكبدة مغسولة ومقطعة والبصلة مقطعة على شكل هلالات
نردوها تشحر شوية تقريبا شي 5 دقايق من بعد نزيد الفلفلة مقطعة على شكل طولي ونخلي الكل يكمل التشحار شوية
من بعد عاد نضيف الملح بزار سكنجبير شوية كامون والربيع
وونغطيها باش تطيب وفي نفس الوقت كتطلق الكبدة الماء ديالها مع البصلة منين كتطيب مزيان كنكب فيها شوية ديال عصير الحامض او الخل لي موجود تم نخلي المرق يتقال شي دقيقة او 2 ونطفي وهاهي واجدة خفيفة للعشاء
ممكن نرافقوها بسلاطة او بطاطا فريت انتم واختياركم وبرعوا وليداتكم مبقاش ليا الوقت نصور الفريت وشلاظة مغربية الكل كيعرفهم
بالصحة والراحة