السلام عليكم
طبعا المروزية الكل كيعرفها انا بغيتكم تشاركوني المروزية بالبكري عملتها في الغداء
الكوكوت درت فيها اللحم وكنور ديال زعفران والسمن ومعلقة صغيرة ديال المروزية وشوية قزبر مطحون وشوية ملح وبزار خرقوم وتوم مفروم شي 4 ديال الريوس والزيت مخلطة وشوية ديال القرفة وشرملت اللحم في هاد العطرية وخليتوا شي 2 ساعات من بعد درت القياس ديال الماء وسديت عليه حتى طاب منين فتحت الكوكوت رميت فيها شوية ديال الزبيب وشي 2 معالق كبار ديال العسل حر اوديال الزمزامي وخليتو يغلى شي 2 دقايق وهاهو واجد
زوقت طبقي ديال المروزية بالمشماش
المشماس مصورت المراحل نسيت مع الزربة
المهم كنصلقوه في الماء من بعد الصلق كيبقى فيه شوية ديال الماء كنضيف ليه سنيدة والقرفة وشوية ديال الزيت وننقص عليه النار حتى الحد ديالها ونخليه يتعسل على خاطرو منين نبغي نطفي عليه نرمي فيه راس معلقة صغيرة ديال الزبدة
وهاهو طبقي بالصحة والراحة غير قبلوا عليا نتمنى ينول اعجابكم يارب
اللهم ظلل علينا يوم لا ظل الا ظلك يارب