سنة هجرية سعيدة عليكم وعلى الامة الاسلامية جمعاء
هادو قطيبات مشرملين بمليحة وبزار و2 معالق كبار خل وتحميرة وكامون وقزبر مطحون وربيع هاهما كيشويهم راجلي في الدروج
هادي المائدة فيها لصوص هو لي في الزلافة البيضاء صايبتو بمطيشة ديال الحك وخففتها بالماء وملح وبزار والحار لي كيبغي الحار وزيت العود والربيع ومعلقة صغيرة خل او حامض لي بغيتو ونشحروا الكل على نار خفيفة شي دقيقة فقط غير تنساجم العناصر
وطويسات الصغار فيهم التكتوكة الكل كيعرفها بمطيشة والعطرية وعصير الحامض والفلفلة مشوية ونخلط الكل ويتشحر على النار
وطبعا طويسة ديال الزيتون
وعملت بطاطا مفورة ومن بعد عملت ليها ربيع ملح بزار وسوطيتها في زبدة وزيت العود
هاني جبت القطبان بعدا طابو
وهاهي المائدة واجدة مع خبيزات وبريريد ديال اتاي وبنوتي الله يحفظها ليا ويجعلها ليا درية صالحة ويحفظ ليكم وليداتكم يارب هي الاولى على المائدة مسكينة باغا غير تصور معندها سوق في الاكل ههههة
اللهم ادمها علينا نعمة واحفظها من الزوال
اللهم استرنا فوق الارض وتحت الارض ويوم العرض يارب