مساء الخير ..
كتاخدو 3ليتر حليب
كاس دانون
3 كيسان سنيدة تعبروهم بكاس دانون
الطريقة تفيضو 1ليتر ونصف حليب
1ليتر ونصف الحليب الاخر تطحنوه في مولنكس مع كاس دانون وسنيدة تم تخويو عليه الحليب الفايض وتحركو وتعمرو الكيسان من بعد تكونو دايرين شي كاميلة فيها الما وديروها على النا حتى يغلى الماء من بعد تزولوها من النار وتحطو فيها الكيسان وتغطيوها بالغلاقة ديالها تم تلويو الكاميلة كلها في مانطة وتخليوها الى الغد ودخلو الكيسان للتلاجة هاهو واجد

هاهوقلبتوا  مسكين شفتوه مكيطيحش حيت جامد

ملاحظة انا را كندير 2 طناجر  والكيسان كبار اما الى بغيتو تديرو نصف المقادير لكم الاختيارفي هده الحالة انا كندير الكيسان صغارفي الالة ديالهم والكيسان الكبار في الطناجر 
اي استفسار انا هنا على الراس والعين