ملويات براس الحانوت اي المساخن لي بغات تسخن في هاد البرد ياسلام مداق روعة

الكل كيعرف عجين الملاوي طحين الحرش والفورص ومليحة وشي معلقة زيت وشوية سنيدة انا عجنتها في العجانة ومن بعد درتها كويرات صغار ولما ترخفو شوية غنبداو بادن الله
هنايا كرصتها بالزبدة والزيت ورشيت الحرش

تم طويت الطية الاولى


وهادي الطية التانية


ودايمن متنساوش الزبدة والزيت وترشو الحرش ورشيت كدلك شوية راس الحانوت



وهنايا رديت جهة على جهة ولات بحال هكدا


بديت كنطلقها بالزبدة والزيت والحرش ورشيت مرة اخرى راس الحانوت


وبديت نلوي


هنتوما شوفوا راني غادية بالعجين على شكل سيكار



هاهما حطيتهم في المول



حتى سليت كلشي عاد بديت كنوقفهم بحال هاكدا



من بعد بديت نكرصها ورميتها في المقلة سخونة ومرشوشة بالزيت


هنايا قلبتها



هاهي شوفوا كيف جات منين حليتهاشوفوا راس الحانوت في الداخل ديال الملوية

و منكولش ليكم على البنة يا سلام ايوا وجدوا ليا شي براد ديال اتاي عاونوني
تحياتي لكم وكالعادة اسالكم الدعاء بتيسير مشكلتي بالعمل يارب