السلام عليكم كيفكم نتمنى الكل بالف خير وسلام
بغيتكم تشاركوني واحد العراضة متواضعة عملتها لاصدقاء ولدي في رمضان وكلهم شباب من العائلة ديالو الله يحفظهم ويحرسهم من العين ويخليهم لبعضياتهم ويديم المحبة بيناتهم يارب
المهم مقدرتش نصور المائدة عليها كلشي عرفتو ولاد اليوم خفت ولدي ميرضانيش نصور المائدة قدام صحابوا انا صورت الاطباق لي وجدت ليهم في الكوزينة باش نقدمها هنايا نبداو بسم الله
هادا مسمن معمر بالشحمة والبصلة وخيزو محكوك والكورجيط ومطيشة ديال الحك والعطرية طبعا
هادا مسمن عادي
هادا بغرير مدهون بالزبدة والعسل
هادي رزيزة تاهي مدهونة بالزبدة والعسل
هادا الكريب مدهون بالشكلاط
هادو بريوات معمرين بالدجاج والفرمسيل والعطرية
هادي كرواصة صنع منزلي طبعا كتجي غزالة وكتشهي
هادا العصير بالحليب والبرتقال ودانون
هادشي كلوا قدمتوا في الفطور طبعا مع القهوة بالحليب والسفوف والشباكية والبيض مصلوق
دابا نبداو في العشاء عملت ليهم السفة مدفونة بالدجاج
هادا الطبق عملت فيه السفة وفوقها الدجاج
هنايا غطيت الدجاج بفرشة اخرى من السفة
هنايا كنزوق الطبق باللوز والقرفة والزبيب والسكر كلاصي
هاهو الطبق كملتوا مع الزربة كنحاول نقاد في الشكل النهائي
وعملت ليهم عصير الحامض باش يهضموا ههههة
واخيرا السحور قدمت ليهم سندويتشات تعرفوا الشباب كيعجبهم هادشي عملت ليهم بوكاديوس على حقهم وطريقهم
وقدمت ليهم كتحلية او ديسير عبارة عن تراميسو بدانيت ديال الكراميل والكريم شانتيي ومزوقين بسيكار من الشكلاط والشكلاط محكوك
وكدلك قدمت ليهم كاسات الفروي عبارة عن فواكه متنوعة مقطعة مع الفلون بالبرتقال والكريم شانتيي ومزوقين بالشكلاط فرمسيل
الحمد لله الدي اطعمنا وسقانا من غير حول منا ولا قوة اللهم ادمها علينا نعمة واحفظها من الزوال يارب
ماشاء الله اللهم بارك شهيوات غزالة وكلشي متول وعلى حقو وطريقة تبارك الله عليك
ردحذفمشكورة
ردحذفتبارك الله عليك
ردحذف